بداية طريق مطور الويب

يا اهلا بيك من تانى فى #طريق_الويب:

        انا عارف انى طولت عليك بسكنت افضل انك تبدا وانت فاهم الكلام الى قولناه فى اول بوستين احسن من انىاقولك اعمل 1 ...2 ...3 و ارسملك احلام وردية و تتفاجاء بانك مش هتلاقى نتيجةلشغلك مهما تعبت نفسك لانك كنت ماشى غلط .

اولا انت لازم تحدد انت واقف فين و عايز توصل لفين و بناء على ده ترسم خطتكو بعدها تبدا شغل بحيث انك تمشى خطوات ثابتة و واضحة و صريحة...

احنا هنا فى Mirage code  هنبدا معاك من الاول و هنمشى خطوة بخطوة فىسلسلة طريق الويب من اول الفرونت اند لحد الاخر.

و بما ان اول خطوة ليك فى الويب هى Frontend فلازم تكون عارف الثلاثى الرئيسى الموجود فىاى موقع فى الدنيا (HTML – CSS - JS):

·     HTML :

هى اختصار ل Hypertext Markup Language و هى مش لغة برمجة وانما هى ما تسمى بال Markup-Language و هى لغة بتستخدم فى عملية انشاء اى موقع فى الدنيا وهى اول حاجة بتتكتب ودورها باختصار هوتحديد هتحط ايه فى الموقع (صورة – عنوان – فقرة – الخ.....) وبتتكتب ال Html فىصورة tags  زىكده

·     CSS :

بعد ماحددت ايه الى هتحطه فى الموقع بتاعك ان الاوان انك تحدد هيظهر ازاى للمستخدمو الا هيبقى الموقع بتاعك عبارة عن مجموعة عناصر فوقبعضها غير منظمة و مفهاش ولا لون واحد حتى.

 بشكل ابسط بعد ما HTML حددت ايه الى هيكون موجود فى الموقع CSS هتحدد هيظهر بشكل عامل ازاى.

·     JavaScript :

اللغة دى يوم ما خرجت كانت بس علشان تخلىالموقع بتاعك تفاعلى مش اكتر انت لسة هتستخدمها للسبب ده.

لكن احب اقولك لماهتتعلمها مش بس هتكون اتعلمت اول لغة برمجة ليك بل كمان هتكون اتعلمت واحدة مناقوى لغات البرمجة فى العالم...

هتستعمل جافا اسكريبت فى حاجات كتييير كFront-End –Developer  و كFront-End –Developer كمان وهنتكلم عن دورها فى الBack-Endلما نتكلم عن ال API..

دلوقتى يكفى بس انك تعرف سوية امثلة لايهالى ممكن تعمل بالجافا سكريبت فى ال Front-End:

1-  انك تخلىالموقع فية انمسيشن

2-  انك تخلىالموقع يتفاعل مع المستخدم

3-  انك تضيف داركمود زى ما هى موضة الايام دى

4-  و حاجات تانيةكتير هنتكلم عنها فى وقتها

جافا اسكريبت هتتعبك شوية لكن صدقنى هىمفتاح للابداع فى الموقع الى هتبنيه.

طيب بعد ما عرفنا الكلام ده كله هنتعلم منين؟؟!

        فى الحقيقة فى طريق كتيرللتعلم بتخلتف من انسان للتانى حتى فى الفريق بتاعنا فى Mirage Code كل واحد فينا بيتعلم من مصدر مختلف عنالتانى فينا الى بيحب الكورسات و الى بيحب الDocumentation  وفينا الى بيحب انه يتعلم بانه يعمل مشاريع لكن انت كحد مبتدا تبدا ازاى؟!

احنا هناخد طريقين للتعلم و طريقة تطبيق ...

طريق التعلم:

1-  الكورسات و فىالحاله دة بيقى عندك المجانية على يوتيوب و المدفوعة على يودمى و فى اليوتوباسمحلى ارشحلك قنوات (الزيرو ويب سكول – نور حمصى – اكاديمة حسونة).

2-  طيب فى حالةانك بتحب القرائة فممكن تقرا الكتب او انك تدخل على موقع يكون عامل الDocumentation  حلو و ارشحلك هنا موقع  w3schools.com

طيب نطبق ازاى ؟!

برضو عندك طريقتين :

1-  انك تتفرج علىموقع و تحاول تقلده مع نفسك ودى هتكون صعبة شوية

2-  هى انك تشوفكورس على اليوتيوب لبناء موقع كامل و تشتغل معاهخطوة بخطوة

اهم حاجة انك تطبيق كتييييير قوى.

طيب اجيب الهام منين او اشوف كود غيرى لموقع كامل ازاى؟ّ

تقريبا فى ناس كتير متعرفش انه فى مواقع كتيرة اونلاين بتديك تملت HTML  و CSS جاهزة مجانية ممن تيجبها و تعدل عليها اكتببس فى جوجل : Html-CSS Free Templetوهتلاقى كتيير قوى صدقنى.

و بس كده ارجو انك تكون استمتعت بالبوست الخفيف ده و البوست الجاى هقولكازاى تاخد المهارت الى اتعلمتها فى البوست ده لمستوى اعلى و يبقى عندك تحكم اكبر فىكل الى احنا ذكرناه ده

اشوفك البوست الجاى و متنساش تشوف البوستات الى فاتت.